〔神州汽球摩登萬里長征擊潰美國聲東擊西外交陰謀〕筆錄
現在全城就美國所指中國氣象汽球闖入這件事有好多報導，吾儕於綜合所有資料後，截至現時為止，發現到成件事萬一被中國拒絕布林肯訪華時間，就可以有一條完美的落台階。當中所謂中國汽球闖入事件有大量疑點。點解今時今日美國的科技，以及國防實力，中國汽球可以咁簡單闖入到美國內陸的腹地？跟本上冇可能。連同埋中國外交部透露到所謂布林肯訪華跟本就係美國單方面自說自話，中國官方從來都冇透露過所謂布林肯訪華。由於訊息資料比較多，所以吾儕稍後會詳細從唔同的角度分析一下此件事，大家就知道美國在背後耍什麼花槍？
中國汽球闖入美國領空，有好多媒體都爭相報導，但好多人都搞唔清楚成件事的重點，無非受到美國的掩眼法矇蔽所致。吾儕經過了好多資料搜集之後，發現到成件事係美國自編自導的一場鬧劇，原因同布林肯即將訪華有關。吾儕將會就成件事的破綻位分析此樁所謂中國汽球去到美國的路線，點解能咁順利可以深入到美國內陸腹地，究竟當中要闖到美國及整個北美防空司令部，要闖過幾多關卡，先能做得到？可以話到咁順利闖入，簡直係天方夜談。吾儕先從整事的背景講起。話說吾儕也曾在節目中透露：布林肯會即將來華，而消息的來源係來自西方各大媒體吹風而來。從以往來講，面對呢的唔受歡迎的國家，例如美國頭號唔受歡迎國家，中國都會對雙方的領導人如須見面提前公佈，肯定會留一手。例如之前吾儕的習主席同美國拜登見面的時候，都係去到最後一刻才會宣佈相關的消息。更加冇講到布林肯會來到中國咁大件事，從吾儕官方層面，中國外交部從來都冇講過布林肯係會來到中國訪問。原因好簡單，以美國的性格，每日都會做好多唔同花式，頻率達到可以每日更新。正如對上幾日，美國先至在半導體和芯片領域做到所謂全面技術封鎖。而在軍事層面來講，亦都喺最近做到更加針對中國措施，而這些花招可以話隔日新鮮。所以跟本唔知道美國何時又做出泯滅良心事情。因此，即使布林肯訪華高層次外交活動，美國有心來都好，中國亦都要把關做出適當的應對。唔可以話一個月前，美國有意派布林肯訪華而話實而應承。此乃簡單的邏輯，相信大家都心中有數。即係話布林肯訪華前要落實的話，都要提出適當的善意與及誠意，起碼在訪華前要停止對中國耍花槍的動作，但係美國好明顯係冇咁做。此情此景，理所當然，吾儕係唔夠提前公佈布林肯訪華的行程落實與否，皆因每一刻都在變化當中。有了此一前設，即表示吾儕會審時度勢，隨時會拒絕布林肯訪華，深切考慮美國的不仁而加以拒絕乃理所當然。就算冇此次汽球事件，吾儕已經論述中國外交部點樣向布林肯「落閘」。皆因吾儕已理解中國外交部層面上已經將布林肯訪華前的「哨兵」，已經作出了一番的調整。基本上係請佢食一半的「閉門羹」，等於唔能夠安排到布林肯來到首都《北京》。唔知是否咁樣美國覺得非常之冇面，因為美國早前已經打晒鑼豉話到布林肯會出訪到中國……（待續）
二０二三年二月五日
83