牛頭：「果D壞人平時一見到我就腳都軟埋，唯獨是唔知點解D小朋友在萬聖節果晚，就算見到我，唔只一D都唔驚，居然仲請我食好多糖，累到我成日牙痛，幾乎搞出糖尿病添。」
馬面：「我仲慘呢！成班小朋友猛咁扯我塊面，以為我係戴上面具，爭D要入醫院做整形手術呀，嗚. 嗚.嗚。」
油炸鬼：「有一次我被某戶人家用萬年油炸成袖珍油條當晚派街坊，食過的人紛紛中招，結果該戶人家被人告到甩褲。
鬼見愁：「若要追上潮流，睇嚟我都要即刻改名，叩「鬼咁盞」咯。
孤魂：「我都好羨慕西方的牛鬼蛇神咁受人愛戴，永遠唔會好似我哋經常要在荒山野嶺做無主孤魂咁悽涼。」
吸血僵屍：「平時人類都好怕我會吸佢哋的血，一見我就走直辮尾，不過果晚由於太多人扮鬼扮怪，一時真假難分，幾乎被成擔重的十字架「責」死多一次。」
閻羅王：「為挽回地府的盂蘭勝會聲譽，唔讓「萬聖節」專美，凡屬陰差陽錯而誤闖「鬼門關」的冤魂能提供「絕世好蕎」，重重有獎，最高境界可以還陽。」
二 0 0 六年十月一日存檔
二０二四年九月二十九日重泐
74